قصيدة أعجبتني

الصـوره اللـي ( بجوالـي ) تعذبـنـي
يا كثر ماجيـت ابمسحهـا و اخليهـا

ياللي جفيت و جفـاك المـر .. ذابحنـي
عقبك وجيه البشـر .. مانـي بدانيهـا

من يوم حبك .. غزى القلب و تملكنـي
قطعـت كـل العلاقـات و طواريهـا

اقـرى رسايلـك ودموعـي تسابقنـي
وارد و اقرى الرسايل و احتفظ فيهـا

انت آخر انسان هاقي منـه يصدمنـي
و الظاهـر إن هقوتـي بانـت مواريهـا

لو الوصايـا ليـا احتديـت تنفعنـي
يا كثـر نـاسٍ علـى ذودي بوصيهـا

ليت الفرح ( بنك ) لاجيتـه يسلفنـي
و اقاصده ( راحتي ) و حقوقـه أوفيهـا

من كثر ماكنـت جارحنـي و ظالمنـي
قمت أعزل جروحك بقلبـي و اسميهـا

تدري وش اللـي يبكينـي و يضحكنـي
إنـك محامـي قضيتـنـا و قاضيـهـا

تدري متاك تعرف قـدري و تفقدنـي
لارخصت نفسك لشخص ٍ ما يراعيها

بكـره إلى هملـوك النـاس تذكرنـي
و تقول عزاه : عينـي مـن يداريهـا

مدام غيري علـى قلبـك مشاركنـي
وش هو له أعلـق الآمـال و ابنيهـا

يكفيني إنك رحلـت و منـت عايفنـي
هذا عزا النفس مـن كثـرة بلاويهـا

أهديتك دموع من طعنتـك تحرقنـي
و إنت إللي تستاهـل الدنيـا و مافيهـا

و اهديتني جرح موجعني و عاجبني
لـن الهدايـا علـى مقدار مهديـهـا

صحيح حنا انتهينا .. بس صدقني
و الله إن تبقى هوى روحي و غاليهـا

مفضوح راع الهيام و نظرته تغنـي
ملامحه واضحه في وجه راعيهـا

لكـل داء ٍ دوا .. لـو هـو متعبنـي
إلامحبتك .. أعيـت مـن يداويهـا

إن قلت : علمنـي أنسـى لا تعلمنـي
دنياي لا مـن نسيتـك ويـش تاليهـا

فارقتنـي و ضحكتـك عيـت تفارقنـي
و الله يلعـن أبـو الفرقـا و طاريـهـا

مقدر أفكر بغيرك .. و إنت عارفنـي
عشان حاجه بقلبي .. مقدر أخفيها

أخاف لاحبنـي غيـرك .. و عاشرنـي
يشوف صورتك فـي عينـي و يوحيهـا

نشدت عنك و سمعت إللـي يفرحنـي
و ارتاح صـدري مـن همـوم ٍ يحاتيهـا

تبي تعرف وش على الفرقا مصبرنـي
إنك بخيـر .. و حياتـك مهتنـي فيهـا

من يوم ماغبـت و الوحـده تعذبنـي
أقرى رسايلك في حرقـه و الاحيهـا

أشوف صورتك .. و دموعي تسابقني
و يا كثر ما جيـت أبمسحهـا ..
و أخليهـا